Isumaginninnermut naalakkersuisoq Maliina Abelsen aggersaasuuvoq.
Nalunaaqutaq qulingiluanut suna tamarmi aallartissaaq. Meeqqat assigiinngitsunik sammisaqartinneqassapput, titartaasinnaapput, aalasaqattaarlutik, filmertitsisoqassaaq Anda Uldumilu peqatigalugu erinarsussallutik.
Meeqqat ulluat sinerissami aamma malunnartinneqassaaq, Qasigiannguani Ib Uldum Nanook peqatigalugu illoqarfiup timersortarfiani ualeru nalunaaqutaq sisamaniit tallimanut aliikkusersuissaaq.
Meeqqanut ullorititaq 1954-imili aallartippoq. Meeqqallu pillugit Naalagaaffiit Peqatigiit isumaqatigiissutaat marluk ulloq taanna - tassa juunip aallaqqaataanni - 1959-imi aamma 1989-imi - akuersissutigineqarput.