Ullumi ulloq arnaqquassaap ikuallanneqarfia
Ikuallaasoqarluni erinarsoqatigiittoqartarpoq, tamannalu danmarkimi persuarsiutigalugu malunnnartinneqartarpoq. Arnaquassaap ikuallatsinneqartarneranut tunngaviusoq aallaaviusorlu arlallit ilisimagunanngilaat. Sankt Hans aallaaveqarpoq Juaannasip kuisisup atia naalisarlugu Hansi illernartumik taaguteqartinneqarluni. Biiibilimi oqaluttuaq Juaannasip kuisisup nalliunnera juunip ulluisa 23-anni malunnartinneqartarpoq, tamannalu qaamanertusinerup nalaani pisarluni.
Danskit ilisimasanik katersuiffiat Den Store Encyklpædi malillugu, naasut katsorsaatitut atorneqartartut ulloq taanna katersorneqartut peqqinnerulersitsisarsimaneragaapput.
Ulloq 23 juni arnaquassaap ikuallanneqartarfiani ullortunerit ulluisa ilaat, inuusuttunit atorluarneqartarpoq nalliuttorsiutigineqartarluni. Qangaanerusoq arnat inuusuttut naasortaatik akitsimik ataanut ilisarsimavaat, oqaluttuallu malillugit, angut taanna katikkumaagassartik sinnatorisinnaaniassagamikku.
Unnummi kajungilersitsinartumik taaneqarsinnaasumi, ajortut aamma akuusarsimaneragaapput. Arnaquassaat i Bloksbjergimut timmillutik ataatsimiigiartarsimapput, taanna Tyskland-ip kujasinnerusortaani Harzen-ip eqqaaniippoq, ikuallaasoqarneranilu ajortut ungalassimaarniarlugit arnaquassaamik ikuallaasoqartarlunilu
Innerup ikumatinneqarnerani ajortut iluaalliuutillu piiarneqartarput, nunat avannaarliit oqaluttuarisaaneranni ilisimasalik magister Charlotte S H Jensen aviiisimi Politikenimi apersorneqarluni taamatut oqarpoq. Sumiiffinni arlalinni arnaquassaamik ikuallaasoqarnisaa naatsorsuutigaarput, Nuummi Sømandshjemmip silataani unnugu ikumatitsisoqassasoq nalunaarutigineqarpoq.
