Ullumi ulloq anartarfinnut ullorititaavoq

Ullumi ulloq novembarip 19-at tassaavoq nunarsuarmi anartarfinnut ullorititaasoq!
novembarip 19-at 2009 15:58

Malunnartinniagaq taanna tusarlugu eqqumiiginarsinnaavoq, tamannali silatusaarnermik immaqa ilaqarpoq.Tassami anartarfiit pitsaanngitsut kingunerisaannik meeqqat 1,8 miliuunit ukiumut toqusarput.

Tamatta tamakku nalunngilagut, ullorsiutini ilaalernikut, anaanap, ataatap aamma kaagip ullui. Nunarsuarmilu arfineq-pingajussaa ukioq manna anartarfiit ulluat nalliussivarput. Issiasarfittaalu qiversimatinneqassanersoq qiversimatinneqassannginnersorluunniit uagutsinnit eqqartorneqarnerata nalaani, taava inuit 2 miliaartinik ikinnerunngitsut tamatuminnga eqqarsaasersortariaqanngitsut World Toilet Organisationip eqqoriarpaa, taakkuli peqqissutsikkut aamma ajornartorsiuteqarput. Tassami tamanna ilungersunartuuvoq. Nunarsuup ilaani nunani piitsuunerusuni napparsimmaviit inunnik unitsinneqarsimasunik, perusuersarnikkut atortulersuutilunnermik patsiseqartumik, ulikkaavipput. Anartarfiillu ajornerinit peqquteqartumik meeqqat 5000-it ullut tamaasa toqusarput, taamaakkaluartoq siuariaateqartoqarsimavoq.

Dr. Patak nunarsuarmi anartarfiit nutaaliorfigineqarneranni siuttut ilagisaat, anartarfimmik akisunngitsumik sananeqarsinnaasumik atorneqarsinnaasumillu isumassarsiaminik sanasimavoq. Taanna nunarsuaq tamakkerlugu inunnit 10 miliuuninit amerlanerusunit ullut tamaasa atorneqartarpoq.