Ullumi corona pillugu kisitsisit: Tunillatsittut nutaat aqqaneq-marluk
Nuna tamakkerlugu tunillatsissimasut marlunngornermi 59-ioreerlutik maanna 71-iupput.
Tunillatsittuni nutaani aqqaneq-marlunni tallimat Sisimiuni siumorneqartut, arfineq-marluk Nuummi siumorneqarput.
Taama Nunatta Nakorsaaneqarfia nalunaaruteqarpoq.
- Tunillatsittut tamarmik tunillaassuuffinnit ilisarisimaneqareersuneerput, arlallit atuarfinni aamma paaqqinnittarfinni tunillaassuuffiusunut attuumassuteqartuullutik, Nunatta Nakorsaaneqarfianit taama ilisimatitsipput.
Maannakkut tunillatsissimasut kommunikkaarlugit immikkoortiterlugit imatut isikkoqarput:
Avannaata Kommunia: 0
Kommune Qeqertalik: 0
Qeqqata Kommunia: 29
Kommuneqarfik Sermersooq: 42
Kommune Kujalleq: 0