Sisimiuni aamma Nuummi malunnartumik tunillaassuuttoqarpoq.Assi: KNR

Ullumi corona pillugu kisitsisit: Tallimanngornermiit tunillatsittut nutaat 34-t

Sisimiuni tunillatsittut 16-it aamma Nuummi tunillatsittut 18-it tallimanngornermiit ullumi marlunngornermut nalunaarsorneqarsimapput.

Taamaalilluni Sisimiuni aamma Nuummi malunnartumik tunillaassuuttoqarpoq.

Taama nunatta nakorsaaneqarfia nalunaaruteqarpoq.

Nakorsaaneqarfiup kisitsisaatai nutaat naapertorlugit ippassaq ataasinngornermit ullumimut inuit 961-it Kommuneqarfik Sermersuumi misissortissimapput, taamaatullu aamma Sisimiunit inuit 349-t misissorneqarsimallutik. 

Kommunini allani tunillatsisimasoqanngilaq.

Nunatta nakorsaaneqarfianit tallimanngormat aamma nalunaarutigineqarpoq Sisimiuni aamma Nuummi innuttaasut akornanni tunilaattoqartoq.

Taamaammat illoqarfinni taakkunani najugallit, nualluutip sunniutigisartagai eqqumaffigeqqullugit kiisalu akiuussutissamik kapiteqqullugit kaammattorneqarput.

Maannakkut tunillatsissimasut kommunikkaarlugit immikkoortiterlugit imatut isikkoqarput:

Avannaata Kommunia: 0
Kommune Qeqertalik: 0
Qeqqata Kommunia: 24
Kommuneqarfik Sermersooq: 35
Kommune Kujalleq: 0 

 

Nunatsinni coronavirusi pillugu
killiffik

Tunillatseqqasut 300  
Ullumi tunillatsittut 124  
Siullermik kapitissimasut 71%  
Aappassaa kapitissimasut 66%  
Tunillanneqarsimasut 1456  
Uninngasut 1  
Anersaartuuteqartitaasut 0  
Toqquteqartut 0  
corona.nun.gl-imi kisitsit takukkit  
   Nutarterneqarpoq: 
Novembarip 29-at 13:15
 

Coronavirusimik tunillatsinissaq pinaveersaaruk