Ullorsiutinit isertitat arsanik 800-nik Kommuneqarfik Sermersuumut tunissuteqaataasut

Ajunngitsuliorluni suliniummi ullorsiutit 2021-moortut ima tunisaatigereerput tunissutissanik pisissutaareerlutik. Napparsimmavinni meeqqanut immikkoortortat ullorsiummit tunissuteqarfigineqareerput.

Otto Motzfeldt, Qaqortumi meeraasoq, ukiuni arlaqalersuni siunertanut pitsaasunut ikiuiniarluni ullorsiutinik saqqummersitsisarpoq. Tunissuteqarfigineqartartut tassaapput kalaallit meerartaat.

Ukiortaarnissaanut suli qaammatit pingasut sinnilaaqqagaluarai 2021_mut ullorsiut ima tunisaatigereerpoq tunissutissanik pisiutissat naammatsissimallutik.

- Arsat 800-ut pisiarereerpakka Kommuneqarfik Sermersuumut tunniunneqartussat. Arsat aappaagu aasalernerani Nuummut tikissapput kommunellu sinneranut agguaanneqassallutik, Otto Motzfeldt KNR-mut oqarpoq.

Taanna Sulisitsisut peqatigiiffiannit, Lions Clubimit aamma Brugsenimit tapiiffigineqarluni Kommuneqarfik Sermersuumut tunissutissanik arsanik pisivoq.

Napparsimmavinnut tunissutit

Arsanillu tunissutissaqarnissamik toqqaaneq nalaatsornerinnaanngilaq.

- Siunertanut pitsaasunut ikiuiniaraanni 25.000 koruunit annertugisassaanngillat. Peqatigiiffiilli suliffeqarfillu eqqaariigara ikiortigalugit angusaqarsinnaalluarpugut. Arsaq ataaseq atorlugu meeqqat 30-t sammisaqartinneqarsinnaapput taamalu ivigaasaaqqanik arsaaffiit Kalaallit Nunaanniittut atorluarsinnaassallugit, Otto Motzfeldt oqarpoq.

- Meeqqat ikinngutitaartorsinnaapput aammalu ajornartorsiorfiusunik angerlarsimaffeqarsimagunik eqqarsaatit allamut saatissinnaallugit, Otto Motzfeldt oqarpoq.

Siusinnerusukkut Kommune Kujallermut arsanik tunissuteqareerpoq aamma napparsimmavinni meeqqanut immikkoortortanut atuakkanik tunissuteqareerluni.

- 1979-mi Danmarkimut nuuppunga. Kalaallit Nunaalli uummateqarfigeqaara ulluinnaallu tassani atoruminarnerunissaat suleqataaffigerusullugu, Otto Motzfeldt naggasiivoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat