Assi: KNR

Ullormusiaqartitsinermut malittarisassat allanngortinnerini kalaallit eqqugaasinnaasut

Ukiut arfineq-pingasut iluanni ukioq ataaseq sinnerlugu EU-p nunalluunniit EØS-imut ilaasut avataanniittuni najuqarsimasimagaanni, ullormusiaqarsinnaatitaaneq Folketingimi amerlanerussuteqartut atorunnaarsinniarpaat. Kalaallit Danmarkimi sulisut taamaaliortoqarnerani aamma eqqugaasinnaapput.

Inuit EU-p imaluunniit nunat EØS-imut ilaasut avataanni ukiuni kingullerni arfineq-pingasuni qaammatit aqqaneq-marluk sinnerlugit najugaqarsimasut ullormusiaqarsinnaatitaajunnaarnissaat danskit naalakkersuisuinit Dansk Folkepartiimillu siunnersuutigineqarpoq.

AAMMA ATUARUK Mangel på medarbejdere hæmmer væksten

Nunarput EØS-imut ilaavoq, tassalu Europami aningaasarsiornikkut suleqatigiinnissamik isumaqatigiissut atsioqataaffigisimavaa. Innuttaasullu nunatsinnit Danmarkimut nuunnerminni Danmarkimi A-kassimut akiliisarunik ullormusiaqarsinnaatitaanertik pigiinnartarpaat.

Nunatsinnili innuttaasoq assersuutigalugu Amerikami, Kangiani nunavinniluunniit allani ilinniariarluni suliartorluniluunniit ukioq ataaseq sinnerlugu najugaqareerluni Danmarkimi sulilernissaanut akornutaasinnaavoq. Aamma Danmarkimi A-kassimut ingerlaavartumik akiliisarsimagaluarpalluunniit.

AAMMA ATUARUK Qujaukitsup inuusuttut sulilersikkusuppai

Siunnersuutigineqartoq Danmarkimi A-kassit arlalissuarnit isornartorsiorneqarpoq.

Siunnersuut akuersissutigineqassappat 2019-imi januaarip aallaqqaataanit kingumut atuuttussangorlugu atuutilersinneqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat