Ullormi qinigaaffimmi aviisit saqqummersut piumaneqarluaqaat

Aviisit Detroit News aamma Detroit Free Press pingasunngormat saqqummersut naqiteqqinneqartariaqarsimapput, atuartartunit piumaneqarnerat annertummat, mannalugooq tikillugu pingasunngormat saqqummersinneqartut tuniniarneqarput Danmarks radiup nutaarsiassaqartsivia taamatut aallaaserisaqarpoq.

Aviisinik tuniniaasartoq Chris Nichols oqaluttuarpoq, qinersinerup ulluata aqaguani aviisit tuusintilikkaat tunisimallugit.

Ukiuni 31-ini aviisimi sulininni taamatut naammattoorsisimanngilanga Chris Nichols oqaluttuarpoq.

Chris Nicholsip aviisimi suliffigisaani Detroit News-imi aamma Detroit Free Press-imi aviisit nalinginnaasumik 140.000-inngorlugit tunineqartarput, pingasunngormallu aviisit saqqummersut 360.000inngorlugit naqiteqqinneqarput sisamanngormallu ingerlaannaq tunineqarsimallutik.

Aviisinik pisisimasut ilaat Khal Buydoun oqaluttuarpoq aviisinik pingasunngormat saqqummersunik sisamanik pisisimalluni, tammajuitsussaminik, sinnerilugooq suleqatiminut tunniussimallugit Danmarks Radiup nutaarsiassaqartitsivia taamatut allaaserinnipppoq.

Tassalu ulluqeqqaanerani radioaviisi, nutaarsiassaatigut nittartakkami KNR naggat GL-imi atuarneqarsinaapput tusarnaarneqarsinnaallutillu unnugu nalunaaqutaq arfineq marlunut qiteqquppat radioaviiseqaqqissaaq.