Ullorissap anaa Kertemindep eqqaanut nakkarsimasorineqarpoq

Ullorissap anarigunagaa Kertemindep eqqaani nakkarsimammat illoqarfik oqaluttuarisaanermi atuakkani ilanngutsikkusullugu innuttat ujarlerput.

Anne-Mette Just erninilu Kertemindep eqqaani sapaatiummat unnukkut pisuttuarlutik qummut qivianngeqqaaraluariarlutik kallertut ittoq takoqqaariarlugu ammalortoq ikumasutut ittoq takoriarlugu pamiuusaa ersersimavoq. Immikkut ilisimasallit ullorissap anaa sumorpiq tussimassanersoq naluaat, taamaammat Fynimiut tamarmik uani sapaatip akunnerata naanerani ujarleqqullugit kaammattorneqarput. Ullorissap anaa assattut peqissimasutut angitigissangatineqarpoq kilomillu ataatsimik oqimaassuseqassagunarluni. Sapaatip akunnerata ingerlanaerani nassaarineqanngippat paasissutissat, soorlu seqineqarfitta pinngorneranut tunngasut maanngaannartussaammata nassaaripallannissaa kissaatigineqaraluarpoq. Immikkut ilisimasallit assut pissangallutik nassaarineqapallannissaa neriuutigaat, ullorissap anaa taama nutaatigisoq nassaarineqassappat imaassinnaammat qanoq nunarsuatta pinngorsimaneranut tunngasunik paasissutissanik nutaarluinnarnik tupaallannarsinnaasunik pissarsiffigineqarsinnaasoq.

Tassa tusarnaartut arlaat sapaatip akunnerata naanerani Fynip avannaanukassappat taamaalilluta ullorissap anaanik ujarlernissaanik kaammattussavarput.