Ulloriaq pamiulik silaannarsuarmi

Ulloriaq pamiulik ulluni makkunani nunatsinniit taarsinerani takuneqarsinnaavoq. Ulloriaq pamiulik ateqartinneqarpoq Mac Naught ullorissamik taassuminnga takunneqaartup atianik atserneqarsimasoq. Mac Naught-ip ulloriaq pamiulik siorna augustip qaammataani Australiami ulloriarsiorfimmi takoqqaarpaa. Ullorissap qaamarnga ulluni kingullerni sakkortusiartorpoq qinnguserluni isaannarmilluunniit takuneqarsinnaalluarluni. Danmark-imi ulloriarsiorfiup København-imiittup Tycho Brahe Planetariap nittartagaani atuarneqarsinnaasoq malillugu ulloriaq seqerngup nuiartulernerani tarrikkiartorneranilu erseqqarinnerusarsimavoq.. Tycho Brahe Planetariap nittartagaani allaaserineqartoq malillugu ulloriaq taanna pamiulik ujaqqanik sikunnillu akoqarpoq. Seqinerlu qanilligaangamiuk akui aalannguuttarput, tamatumalu kingunerisaanik ullorissap avataani gas pujoralallu pinngortarlutik. Ullorissap pamiullip seqineq qanilligaangamiuk qaamanerulertarpoq. Ulloriarsiuut nassuiaataat malillugu ulloriaq pamiulik Mac Naught ulluni tulliuttuni silaannarsuarmi takuneqarsinnaajumaarpoq.