Ulloriaq angalasoq nunarsuatsinnut assingusoq ilisimatuut nassaarigaat
Paasisaq avataarsuani arlaatigut uumassuseqartoqarsinnaanissaanut ilisimatusarnermut iluaqutaasinnaalluartoq oqaatigineqarpoq. Tuluit nutaarsiassaqartitsiviat Reutersi taama allaaserisaqarpoq.
Ilisimatuut 31-t nunanit amalaaneersut avataarsuani qaamanerup qalipaatai misissorluaqqissaareerlugit ulloriaq angalasoq Nunarsuarmut assingusinnaasoq nassaaraat, ulloriaq angalasoq ullorissap Proxima Centaurip eqqaaniittoq nassaarineqarluni.
Ullorissamik angalasumik taassuminnga nassaarneq pingaaruteqarlunilu soqutiginaateqarpoq, ullorissanimmi angalasunik nunarsuarmut assingusunik allanik nassaartoqarsinnaanissaanut neriulersitsisinnaammat. Avataarsuanut tunngasunut, teknologilu avataarsuanut atorneqartartoq pillugu siunnersorti, astroofysikerilu Michael Linden-Vørnle taama oqarpoq.
Ulloriaq angalasoq Nunarsuatsinnit 40 billionit kilometerinik ungasitsigisumiippoq.
/ritzau/
