Ulloq unnuarlu meeqqanut inuusuttuaqqanullu angerlarsimaffik nutaaq ammalerpoq
Ukiup taarnersaani Qaamasup ammarneqarnissaa pilersaarutaalerpoq, aappaagulu februarip aallaqqaataaniit meeqqat quliniit 16-nut ukiullit najugaqartilernissaat pilersaarutaavoq.
![](/sites/default/files/styles/image_934x467/public/article_images/qaamasoq_dogninstitution_630.jpg?itok=GCr_3Idb)
Allattoq Per Andersen
Pilersaarusiorneqarnera ukiunik pingasunik sivisussueqarsimavoq, aallarnisaasullu pingasuusut, ukiuni taakkunani meeqqat nalinginnaasut ineriartorfigissallugu angerlarsimaffissaat piareersarsimavaat.
Qaamasup pisortaa Terkil Larsen perorsaasutut, meeqqallu atuarfianni ilinniartitsisutut ilinniarsimasoq knr.gl-mut oqarpoq, maanna sulisussanik arlalinnik pissarsiorneq ingerlanneqaleersoq, taakkulu tassaassasut perorsaasut aamma ilinniarsimasuunngitsut. Naatsorsuutigineqarporlu sulilersussat aappaagu februarip aallaqqaataani aallartissinnaassasut.
Ulloq unnuarlu angerlarsimaffissaq 280 kvadratmeterinik angissuseqartoq, Svend Jungip aqqutaani inissisimassaaq.