Ulloq pikkunaannerpaaq

Nunarsuarmit tamanit paasissutissanik, soorlu inuit nuimasut toquffiinik, inuuiinik, politikkikkut pisimasunik, sorsunnernik pisimasunillu allanik, ukiut untritillit sinnerlugit nutaarsiassatut saqqummiunneqarsimasunik qarasaasiani immersimavaa.

Qarasaasiallu paasissutissat suliarereeramigit ulloq sapaat apriilip aqqarngat 1954, nunarsuarmi pisimasoqarfiunnginnerpaasimasutut taasimavaa.

Kisianni soorunami pisoqarfiulaarsimavoq.

Belgiami taamani qinersisoqarpoq, Tyrkiami ilisimatooq inunngorpoq, tulullu arsaattartoq, Jack Shufflebotham-imik atilik toqusimalluni. Tassa sapaammi apriilip aqqarnganni 1954-imi pisimasut tamarmik, qarasaasianik pilersaarusiortartoq, William Tunstall-Pedoe, Cambridge University-imeersoq, taama oqarpoq.

Kisianni illit ullormi tassani inuueqaruit ajuallanniaqinak, tassami William Tunstall-Pedoe-p qarasaasiani Nunatsinni pisimasunik immersimanissaa ilimananngimmat.