Ulloq manna nunarsuaq tamakkerlugu TB-mut ullorititaavoq
WHO-p missingersuutai naapertorlugit nunarsuaq tamakkerlugu 2000-ip 2015-illu akornanni inuit 49 millionit sakialluut TB toqqutigaat.
Taamaakkaluaq inuit 10,4 millionit TB-mik 2015-iminappaateqalerput 1,8 millionillu nappaat tuniluuttoq taanna toqqutigaat.
AAMMA ATUARUK TB-p ilisarinissaanut pikkorinnerulertut
Nappaatip nunatsinni atugaanera suli akiorniarneqarpoq. 2016-imi 61-it TB-mik tuniluuttumik nappaateqarnerat paasineqarpoq.
Sakialluut (TB) nappaataavoq tuniluuttoq tappiorannartunik bakteerissanik Mycobacterium Tuberculosisinik patsiseqartoq. TB amerlanernit sakialluutitut ilisimaneqarpoq, timilli pisatai allat TB-mik nappaateqarfiulersinnaapput.
Tappiorannartut kuseriarnernit isaannarmik takujuminaatsunit -quersornikkut tangajornikkullu siaruaanneqartunit- tuniluuttarmata, sakialluut kisimi tuniluuttuuvoq. TB-ip tappiorannartua ukiorpassuarni timimiissinnaasarpoq kingornalu nappaammut akiuussinnaatsutsip sanngiillinerani utoqqalinermiluunniit nappaataalersinnaasarluni.
AAMMA ATUARUK Tuberkulosertut aatsaat taama ikitsigisut
TB qanoq paasineqartarpa?
TB qanoq ililluni tunillaattarpa? Nappaammut ersiutit suuppat? Qaqugu nakorsiartariaqassaanga? Kalaallit Nunaanni illoqarfik suna TB-mik nappaateqarfiunerua?
Apeqqutinut taakkununnga akissutit Namminersorlutik Oqartussat nittartagaanni www.tuberkulose.gl-imi pissarsiarisinnaavatit.
Najoqqutarisaq: Nakorsaaneqarfik