Ulloq Kunuunnguup inuuissiorfia erfalasulisaarfissanngortinneqartoq

Knud Rasmussen suli uumagaluaruni ullumikkut 135-liissagaluarpoq. Ileqqorlu malillugu, peqatigiiffik Knud Rasmussen Selskabet Knud Rasmussenip Hundestedimi Illua suleqatigalugu inuuissiorfia nalliussineqassaaq. Ullorli manna nuannernerulaarpoq, Halsnæsimi tamakkerlugu issittumi ilisimasassarsiortoq ataqqiniarlugu erlalasulisaartoqassaaq.

Halsnæs Kommunemut atassuteqarnera, Hundestedip avatinnguani Spodsbjerg Fyrip eqqaani qattunerni sullivissaminik aasarsiortarfissaminillu sanasimaneranik peqquteqarpoq.

Halsnæs Kommunep Knud Rasmussen ataqqiniarlugu erfalasulisaarnerup peqatigisaanik aamma generalmajor J. F. Classenip nalliuttorsiutigineqartarnissaanik aalajangerpoq.

- Taakku marluullutik oqaluttuarisaanermi malunnaateqarluartuupput, assigiinngitsutigullu najukkami nunalu tamakkerlugu sunniuteqarsimallutik, kommuni taama allappoq.

Nalliuttorsiorneq Hundestedimi innuttaasut illuanni Gubbenimi ullumi pissaaq. Katersugaasiviup pisortaa Søren la Cour tikilluaqqusissaaq erinarsoqatigiillu Akuttat Hundestedimeersut aliikkusersuissallutik. Tamatuma kingorna atuakkiortoq Janni Andreassen, atuakkamik 'Altid Frimodig' (kalaallisuunngorlugu 'Kisiitsuujuartumik') atuakkiortuusoq, Peter Freuchen pillugu oqalugiarniarpoq.

Aamma oqaluttuarisinnaavarput Kunuunnguup, Knud Rasmussenip, kunngikkormiutut ataqqinassusilik Pris Joachim inuueqatigimmagu.