Ulloq Kalaallit Nunaanut pingaaruteqarluinnartoq
Namminersornerulerneq nunatsinnut eqqunneqarmalli pisoqarsimaqimmat kingumut qivialaarpugut:
2000:
Naalakkersuisut Namminersorneq pillugu isumalioqatigiissitanik pilersitsipput.
Isumalioqatigiissitami ilaasortat qulingiluaasut naalakkersuisunit toqqarneqarput. Taakkulu partiinit assigiinngitsuniit tunuliaqutaqartuupput aammalu Kalaallit Nunaannut tunngatillugu paasisimasaqartuullutik.
Namminersorneq pillugu Isumalioqatigiissitap isumaliutissiissutaani quppersakkami ilaatigut ima allassimasoqarpoq:
- Isumalioqatigiissitat Kalaallit Nunaata naalagaaffeqatigiinnerup iluani nammineersinnaanerata ineriartorteqqinnissaanut periarfissat pillugit isumaliutissiissusiornissamik suliakkerneqarput sulinerminni pisinnaatitaaffiit pisussaaffiillu imminnut oqimaaqatigiinnissaat tunngavigalugu.
2003
Isumaliutissiissut taanna apriilip aqqarngani 2003-mi naalakkersuisunut tunniunneqarpoq, taamanimiillu kissaatigineqartut piviusunngortinneqarnissaat anguneqassappata Danmark isumaqatigiissuteqarfigineqartalerluni.
2004
Juunip 21-iani 2004-mi naalakkersuisut siulittaasuat Hans Enoksen aammalu ministeriuneq Anders Fogh Rasmussen nutaamik Namminersorneq pillugu isumalioqatigiissitaliorput, tamatumuuna ilaasortaasut affaat danskiullutik affaallu kalaaliullutik, taama aaqqiinermut siunertarineqarpoq.