Isikkamik arsaalluni nunarsuaq tamakkerlugu pissartanngorniunneq juunip ulluisa qulingiluaanni aallartimmalli ullumikkut ulloq kiisami arsaattoqassanngilaq.
VM-ertoqarnerani TV-kkut arnat nunarsuaq tamakkerlugu isiginnaartut aatsaat taamanngooq amerlatigigaluartut, ussaasaarusiortartut malugisimanngilaat pissartanngorniunnerni angutinuinnangajassuaq pilerisaaruteqarmat.
TV-kkut malinnaasut arnat 39 procentiuppunngooq, aatsaat taama amerlatigalutik.
Ukiut sisamat matuma siorna VM-ertoqarmat angutit aamma taama amerlatigisut TV-kkut isiginnaartuusimapput. Naliliisartulli siusinnerusukkulli nalunngilaat pissartanngorniutivinnerit qanilliartuaarneranni arnat isiginnaartut malinnaasullu amerliartortartut.
Ukioq-mannalu pissartanngorniutivinnerit ingerlanneqarnissaannut sapaatit akunneri marluinnanngulereerput, sapaammi juulip ulluisa qulingiluaanni tamanna pissaaq - arnanut pilerisaaruteqarnerulissanerpa?