Siumup immikkoortortaqarfii Kim Kielseni partiimut siulittaasuuginnassanersoq pillugu tusarniaanermut kingusinnerpaamik tallimanngormat akissuteqartussaapput.Assi: KNR

Ulloq aalajangiiffiusoq: Siumut Kim Kielsenip siunissaa pillugu massakkorpiaq ataatsimiippoq

Siumumut ilaasortat nalunaaqutaq aqqanermit ataatsimiippata, Kim Kielsenip partiimut siulittaasutut siunissaa aalajangiiffigineqassaaq.

Ullumi ulloq Kim Kielsenimut alajangiisuussaaq.

Siumup immikkoortortaqarfii 60-it missaanniittut Kim Kielsen partiimut siulittaasuuginnassanersoq imaluunniit siulittaasumik nutaamik toqqaaffiusinnaasumik immikkut ittumik ataatsimeersuartoqassanersoq pillugu tusarniaaffigineqareerput.

Immikkoortortaqarfiit kingusinnerpaamik sapaatit akunnerata siuliani tallimanngornermi akissuteqartussaapput, akissutillu Siumup siuttuininngaanniit ulloqeqqannginnerani aallartittumik ataatsimiissutigineqassapput.

AAMMA ATUARUK Siumumi nipaannersuaq

Siumup Inatsisartuni allaffeqarfiata nalunaarutigaa ataatsimiinneq aqqanermut aallartissasoq. Nalunaaquttap akunneranit ataatsimit sivikinnerussasoq ilimagineqarpoq. Peter Davidsen Kommuneqarfik Sermersuup immikkoortortaqarfiani siulittaasoq aamma partiimi siulitaasup tullia Karl Kristian Kruse ataatsimeeqataassapput. Partiimi siulersuisuunernut ilaasortat sinneri oqarasuaatikkut ataatsimeeqataapput.

Siumup allaffeqarfia KNRimut paasissutissiivoq immikkoortortaqarfinnit tamanit tusarniaanermut akissutit takoreerlugit siulersuisuunernullu nassiutereerlugit.

Kim Kielsen peqataanngilaq

Karl Kristian Kruse ataatsimiinnermut iseriartortoq KNRip attaveqarfigaa:

-Immikkoortortaqarfinnit akissutit suli takunngilakka, kisianni Kim Kielsenip siulittaasuuginnarnissaa ilimagaara, oqarpoq.

Ullumikkut inuttaasut pingaarnersaat Kim Kielsen ataatsimeeqataanngilaq. Danmarkiliarluni angalavoq, tatigineqannginnermilu ataatsimiissutiginissaanut peqataajumanani.

Siumumit Inatsisartuni ilaasortanit quliusunit arfinillit Kim Kielsen siulittaasutut allagaqarlutik tunuaqquammassuk, suliaq aallartippoq. Aamma naalakkersuisoq Erik Jensen tunuaqqusissummut atsioqataavoq.

Erik Jensenip saniatigut Inatsisartut aningaasaqarnermut akileraartarnermullu ataatsimiititaliaata siulittaasua Hermann Berthelsen, inatsisartunilu ilaasortat Anders Olsen, Nikkulaat Jerimiassen, Henrik Fleischer, Laura Taunajik kiisalu Jens Danielsen atsioqataapput.

Siulittaasutut allanik qinigassanngortittoqanngilaq

Kim Kielsenip Siumup qineqqusaarutai politikkialu malinngikkai ilaatigut isornartorsiuutigineqarpoq, ilaatigut aalisagartassiissutit qilalugartassallu pillugit isornartorsiuisoqarluni.

Siumumit Inatsisartuni ilaasortanit quliusunit arfinillit Kim Kielsen siulittaasutut allagaqarlutik tunuaqquammassuk, suliaq aallartippoq. Aamma naalakkersuisoq Erik Jensen tunuaqqusissummut atsioqataavoq.

Erik Jensenip saniatigit Inatsisartut aningaasaqarnermut akileraartarnermullu ataatsimiititaliaata siulittaasua Hermann Berthelsen, inatsisartunilu ilaasortat Anders Olsen, Nikkulaat Jerimiassen, Henrik Fleischer, Laura Taunajik kiisalu Jens Danielsen atsioqataapput.

Kim Kielsenip Siumup qineqqusaarutai politikkialu malinngikkai ilaatigut isornartorsiuutigineqarpoq, ilaatigut aalisagartassiissutit qilalugartassallu pillugit isornartorsiuisoqarluni.

AAMMA ATUARUK Isornartorsiuisut ataatsimiinnerup kingorna: Isumarput suli attapparput

Siumulli siulersuisuunerisa Kim Kielsen siulittaasuuginnartussatut tapersersorpaat, immikkoortortaqarfiilli amerlanerussuteqartut kissaatigippassuk, immikkut ittumik ataatsimeersuarnermut siulittaasumik nutaamik toqqaarfiusinnaasumut aggersaasoqassaaq.

Siumup siulittaasussaatut qinersinissamut pisortatigoortumik suli qinigassanngortittoqanngilaq.

Kim Kielsenip nalinginnaasumik 2020-mi aasakkut ataatsimeersuarnermi siulittaasutut qinigassanngortinniarnani paasissutissiissutigereerpaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat