Ullaatungaa taasiartortut ikinnerupput
Illoqarfinni annerni sisamaasuni qinersiviit nal. 11.00 paasiniaaffigaavut.
Ilulissani Sisimiunilu qinersisartut 10%-ii sinnilaannguarlugit taasiartoreersimapput. 2001-mi qinersinermut sanilliukkaanni Sisimiuni qinersiartortut amerlanerupput
Qaqortumi 9,5 %-tii qinersiartorput, silalu avannersukasiummat kingullermik qinersisoqarneranit ikinneroqaat.
Tasiilamilu 9 %-iungajaat qinersiartorsimapput.
Nuummi nal. aqqaninngortoq 7,22 procentii qinersiartorsimapput kiisalu nal.ullo’qeqqaraa 10,53 % taasiartorsimapput. 2001-mio qinersinermut sanilliullugu ikinnerusut qinersiartorsimapput.
Qinersiartortut ikileriarnerannik
Nuup silarlunneranik pissuteqassasoq qinersisitsisoq Franklin Høegh Olsen radioaviisimut oqarpoq.
Franklin Høegh Olsen ukiorpassuarni qinersisitsisartuusoq nassuiaavoq nunatsinni ukiup qanoq ilinera apeqqutaalluni qinersiartortut amerlisarlutillu ikilisartut. 1994-mi 1998-milu ukiassalernerani qinersisoqarmat, qinersiartortut amerlanerujussuusimapput, 2001-mi ukioq-mannalu qinersiartortartut ikinnerujussusut.
