Ullaakkorsiutit peqqinnartuunerakkat sukkoqarpallaarput

Ullaakkorsiutit peqqinnartutut naatsorsuutigineqarlutik tuniniarneqartartut Kelleogs Special K imaluunniit All-Bran ullaakkorsiutinut allannut sanilliullugit soorlu Cornflakes-init sukkuqarnerujussuusut paasineqarpoq, danmarkimi aviisit ilaat metroXpress taamanna pillugu allaaserisaqarpoq.

Ullaakkorsiutit All Bran ullaakkorsiutinik tuniniaasartup Kelloggs-ip tuniniagai sukkulerujussuusut paasineqarpoq. Ullaakkorsiutit Kelloggs-ip tuniniagai agguaqatigiissillugu 19,8 procentinik sukkunik akoqarput.

Taamaattumillu Danmarkimi atuisartut arlallit isumaqarput, ullaakkorsiutit puaani imarisaannik akoqarnerannillu allataq allanngortinneqartariaqartut.

Mamakujuttunik tuniniaasuulluni tamanna akornutissartaqanngilaq, ullaakkorsiutinilli tuniniaasoq pissutsit piviusut allaaserissallugit nassuerutigisariaqarpaat.

Peqqinnartutut isigalugit tuniniarneqartut ullaakkorsiutitut piukkunnanngillat atuisut peqatigiiffiat Aktive forbrugere aviisimi metroExpress-imi taamatut issuarneqarput.