Ulimaasersortoq ukiuni qulingiluani parnaarussaassaaq
Somaliamiu 29-nik ukiulik, Muhudiin Mohamed Geele, ukioq kingulleq muamaamik illaruaatissiilluni titartaasup Kurt Westergaardip angerlarsimaffianut iserluni ulimaammik sakkulerluni saassussisoq, ukiuni qulingiluani paarnaarussassatut eqqartuunneqarpoq.
Danmarkimiillu uteqqissinnaajunnaarlugu anisitaalluni. Århusimi illoqarfimmi eqqartuussisut ullumi taama aalajangerput.
Ulimaasersortoq Geele peqqarniisaarniarsimasutut toqutseriarsimasutullu pisuutinneqarpoq.
Unnerluussisup minnerpaamik ukiuni aqqaneq-marlunni paarnaarunneqarnissaa piumasarisimavaa, illersuisuatali annerpaamik ukiuni arfinilinni paarnaarussaatinniarsimallugu.
Mohamed Geele, eqqartuussinerup nalaani unnerluussutinut, pinerlunniarsimasutut toqutseriarsimasutullu, pinngitsuunerarsimavoq, erngerlunilu eqqartuussut suliareqqitassanngortillugu.