Ukrainip Kalaallit Nunaat qanimut attavigerusuppaa
Ukrainip Kalaallit Nunaat qanimut attavigerusuppaa. Folketingimut ilaasortaq, Lars-Emil Johansen, tamatumunnga atatillugu Ukrainimi ambassadørip, Natalia Zarudna-p, Christiansborgimut ippassaq pulaarpaa.
Allattoq Louise M. Kleemann
Kalaallit Nunaanni takornarniaqarneq inuussutissaqarnerlu Ukrainimi ambassadørip soqutigilluinnarpai, siuarsaavigerusullugillu. Aalisakkanik nioqqutissiorneq Natalia Zarudna-p assut soqutiginartippaa, nunaminullu qaammarsaatigerusullugu.
Ambassadør Natalia Zarudna Kalaallit Nunaannut kingusinnerusukkut tikeraassamaarpoq, tamannalu pillugu Lars-Emil Johansen ippassaq oqaloqatigaa, aasarulu naapeqatigiissamaarput, Kalaallit Nunaannut tikeraarnissaq qaqugu pissanersoq taamanikkussamut isumaqatigiinniutigissallugu.