Ukrainimi ukiaru qinersisoqassaaq

Ukrainimi ajornartorsiorneq qaangerniarlugu qinersisoqarnissaanik politikerit illuatungeriit isumaqatigiissuteqarsimapput. Qinersineq ukiaru septembarip 30-anni pissasoq, aviisi Jyllands-Posten allappoq.

Ukrainip præsidentia, Viktor Jusjtjenko, tusagassiortunik ullumi katersortitsinermini nalunaarpoq, Ruslandimi ministeriunerlu, Ruslandimik nuannarisaqarluinnartuusoq, Viktor Janukovitj, qinersisoqarnissaank isumaqatigiissuteqarfigisimallugu.

Nunami eqqissiviilliornerup qaangerniarneqarnissaa isumaqatigiissummi anguniarneqarpoq.

- Ukrainimi politikkikkut eqqissiviilliorneq unippoq.

Isumaqatigiissuteqarallareerpugut, præsident Jusjtjenko tusagassiortunik katersortitsinermi oqarpoq.

Ukrainimi ajornartorsiorneq apriilip ulluisa aappaanni aallartippoq, qinersisoqapallannisaa anguniarlugu inatsisartut taamaatitinneqarnissaat præsidentip piumasarimmagu. Tamannali minitseriunerup Janukovitj-ip Ukrainip naalakkersuinikkut aaqqissuussaaneranut akerliunerarpaa.