Ukrainimi politikkikkut aaqqiagiinngittoqarpoq

Ukrainemi politikikkut aporaannerit sakkortusiartorput.

Naalaaffimmi præsidentiusup aammalu ministeriunerup pissaaneqarniunnerat oqaasiinnakkut ingerlanneqarunnaarluni sakkutuulersorfiulerpoq – maannamuugallartoq suli sakkulersuuffiunngitsumik.

Præsident Viktor Jusjtjenko nunap iluani pissutsinut ministereqarfiup sakkutuui ullumi nakkutigisarilerpai.

Kisiannili aamma oqartoqarpoq, sakkutuut taakku præsidenti qanorluunniit oqaraluarpat naalannavianngitsut. Nunap iluani pissutsinut ministeri oqarpoq naamik, sakkutuullu naalagaqarfiat oqarpoq, aap. Nunap iluani pissutsinut ministeri, præsidentip unammillertaanut maniguuttuuvoq.

Maannakkut ministeriuneq Viktor Jusjtjenko ukiut marluk affarlu qaangiupput præsidentinngorniunnermi ajorsarmalli, taamanikkut qineqqusaarneq aappaluartut mumisitsinerannik taaneqartarpoq.

Ippassaq aaqqiangiinngittoqalerpoq, Viktor Jusjtjenko-p naalagaaffiup unnerluussisua soraarsimmagu ministeriunerullu Janukovitj-ip nuannarinnittaasa ilai aamma soraarsissimallugit.

Præsidentip paarsisuisa naalagaaffiup unnerluussisua allaffianiit unnuaq anisinniarsimagaluarpaat, kisiannili nunap iluani pissutsinut sakkutuunit anisitsiat unitsinneqarsimallutik.

Maannakkullu præsidentip nunap iluani pissutsinut sakkutuut aqunniarsarai ilisimaneqanngilarli sorliup sakkutuut aqutarilerniarnerai.

Ukrainillu oqaluttuarisaanerani nutaajusumi siullermik pissaaneqarniunnermi sakkutuut immikkut sungiusakkat noqqoruussutaalerput.

Paatsuugassaanngitsumillu maannakkut najummassimanartorsiortoqarpoq, sakkutuut sakkulersorsimasut illuartinneqaqattaarmata.

Ministeriunerup Janukovitj-ip aamma qunusaarutigisareerpaa, naalagaaffiup innuttaasa imminnut sorsuutilersinnanerat. Ministeriunerup kissaatigaa, Rusland Europalu annertunerusumik pisoqannginnerani eqqissisaajartortariaqartut.

Tamannalu præsidentip itigartitsissutigaa, naalagaaffiup tamanna isumagisassarimmagu, politikikkulli ajornartorsiutit iluarsineqartariaqartut

sakkutuulersuussinikuunngitsoq.