Ukrainep sukannersumik naalakkersuisoqarnissaanik aalajangernera Putinip ernumanarluinnarneraraa
Tamanna tyskit naalakkersuisuisa siulittaasuata, Angela Merkelip oqarasuaatikkut oqaloqatiginerani pivoq.
Ukrainip sukannersunermik naalakkersuinissamut inatsisaata præsidentip nunamit anisoqarsinnaaneranik inerteqquteqartitsinissaanut kiisalu killiligaanani oqaaseqarsinnaatitaanermik naqisimaneqanngitsumillu tusagassiisinnaanermut annikilliisinnaaneranik pisinnaatitsivoq.
Tyskit illersornissaq pillugu ministeriata, Ursula von der Leyenip ukrainimiut Krimip eqqaani Kertj-strædimi aporaannerup kingornatigut tigummigallagaasut Ruslandimit iperagaanissaat kaammattuutigaa.
Russit præsidentiata “Berlinip ukrainimiut oqartussaasui sunniiffigisinnaassagai soqutigittaatsumillu iliuuseqarnissanik allanik iliuuseqannginnissaanik oqaluussinnaassagai” neriuutaa.
NATO-p Bruxellesimi qullersaqarfiani ukrainimiut sinniisaat ajornartoorneq anigorniarlugu ataasinngornermi ualikkut ataatsimiigiaqqusaapput.
Matumani illersornissamut peqatigiit Ukrainimut erseqqissumik tapersiipput. Generalsekretæri, Jens Stoltenbeg taama paasissutissiivoq.