Ukrainemiut sakkutuuisa timmisartuat tunumi
Timmisartoq atorlugu orsussap 600.000 literip Station Nordimut assartornera naammassivoq Ukrainemiut sakkutuut timmisartortartut suleqatigalugit. Taakku orsussaq 36.000 literingajak ataatsikkat angallassinnaasimavaat Thule Air Basemiit. Suleqatigiinneq pitsaalluinnartutut qallunaat sakkutuuisa nalilerpaat naak mingutsitsisoqarsimagaluartoq.
Orsussap 600.000-ip assartornera taaguuserneqarpoq ”Northern Falcon” Ukrainemiullu toqqarneqarnerannut pissutaavoq orsussaq 36.000 literingajak ataatsikkut assartorsinnaammassuk qallunaat sakkutuuisa taassuma affaannaa ataatsikkut assartorsinnaagaat.
Taamaattorli apriilip aallaqaaatani ajutoortoqarpoq orsussaq 22.000 liter Station Nordimi apummut kuussimammat. Orsussaasivik utsersortoortinneqarsimavoq tamannalu ullut marluk aatsaat qaanngiuttut paasineqarluni. Qallunaat sakkutuui qulit Ålborgimi Air Transport Wing-imeersut Ukrainemiunut ikiuupput.
- Taakku aamma ilisimatitsissapput taamatut suliat NATOp najoqqutassiai malillugit qanoq ingerlanneqartarnersut. Tassa imaappoq Ukrainemiut ilisimasanik angerlaassipput minnerunngitsumik isumannaallisaneq issittumilu suliaqarneq pillugit, major Ove Urup-Madsen taama ilisimatitsivoq.
