Ukrainemi sapusiarsuaq qaartinneqarmat inuit 100-likkaat qimagussortinneqarput
Ullaaq manna marlunngornermi Ukrainemi Nova Kakhovkami nunap ilaminerujussua qaartinneqarujussuarpoq, tamatumalu nalaani najugallit maanna qimagussortinneqaleruttorput.
Pisoqarfiup eqqaani guvernøriusoq Oleksandr Prokudin taama nutaarsiassaqartitsivimmut Reutersimut nalunaarsimavoq.
Guvernørip oqaluttuarnera naapertorlugu inuit 16.000 missaat navianartorsiorput, tassami tamaaniippoq sapusiarujussuaq taannalu qarsutserujussuarsinnaasoq oqaatigineqarpoq.
Sapusiarujussuaq taanna 30 meterisut portussuseqarpoq 3,2 kilometerinillu takissuseqartoq 1956-mili sananeqarsimasoq nukissiorferujussuarmut atassuserneqarsimasuuvoq.
Rusland Ukrainelu sapusiarsuup aserorneranut tamarmik imminnut unnerluuteqattaapput.
Oqaatigineqarpormi qaartinneqartup nalaa Kherson-regionimik taagorneqartoq russinit siusinnerusukkulli tiguarneqarsimasoq.
Taanna Ukrainemi Krimmip qeqertaasaa avannaaniippoq 2014-milu russinit tiguarneqarsimasuulluni.
/ritzau/Reuters