Ukkusissarmiuaqqat pujortartanngitsutut ajugaapput

Ukkusissani Atuarfik Pilerfimmi 5. aamma 7. klassimi atuartut, PAARISAp atuaqatigiinnut pujortartuunngitsunut unammisitsinerani ajugaapput. Atuaqatigiit pujortartuunngitsutut toqqagaanermi saniatigut 30.000 koruuninik akissarsipput.
Allattoq Per Andersen
januaarip 12-at 2012 11:47

Atuaqatigiit ilinniartitsisuat Ivaaraq Jensen  Paarisap qullersaqarfianit ataasinngormat sianerfigitippoq, paasitinneqarlunilu atuartuutini, akullerni atuartut arfinillit, unammisitsinermi ajugaasut.

Tusagaq nuannersoq  ajugaasunut ingerlaannaq kalerriutigaa.

-Atuartut tusagaq nuannerluinnartoq tusarlugu tamarmik nuannaarlutik nilliapput, Ivaaraq Jensen oqarpoq.

Ajugaasut angajoqqaavi nunaqarfimmiunut kaffilleqatigiinnissaq pilersaarusiorlugu aallartereersimasut Ivaaraq Jensenip ilanngullugu oqaluttuaraa.

Unamminerullu ingerlanerani

atuaqatigiit paasisassarsiorlutik angalanissartik eqqartulereersimagaat ilinniartitsisuata oqaatigaa, maannamuugallartorlu Sisimiut siunniunneqarsimalluni. Atuartut maanna aningaasanik katersaqarsimanngimmata akissarsiaat 30.000 koruuninik aningaasartallik aallarniutaalluarsinnaassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq