Ukkusissani qaqqamit ajoqusiinngitsumik nakkaasoqartoq
Nunaqarfimmi Ukkusissani qaqqamit sisamanngormat nakkartoqarpoq. Inunnik atortunilluunnit ajoqusertoqanngitsoq, politiit ilisimatitsipput.
![](/sites/default/files/styles/image_934x467/public/article_images/ukkusissat2_07.jpg?itok=bEouZQoU)
Toqqorsivimmit
Allattoq Kenneth Elkjær
Nutserisoq Connie Fontain
Politiit Uummannap avannaani Ukkusissani qaqqamit nakkartoqarneranik sisamanngornermi nalunaaqutaq 11.18 nalunaarfigineqarput.
Qaqqamit nakkartoq nunamut tuppoq, taamaammat juunip 17-iani tassaarujussuartoqarneratulli pisoqanngilaq ajoqusertoqaranilu. Politiini ulluinnarni aqutsisoq, Sebastian Bech KNR-imut oqarpoq.
- Nunaqarfiup pisiniarfia nakkartup eqqaatungaaniimmat inuerutinneqarpoq. Arlaannilli ajoqusertoqanngilaq, Sebastian Bech oqarpoq.
Qaqqamit nakkaasut ujaqqat nunaqarfimmi erngup aqqutaanik eqquipput taamaattoqarneratigullu Royal Greenlandip aalisakkerivia matoqqagallarpoq.
Aana Ukkusissani innuttaasut ilaata assilisimasaa: