Politiit ikuallattoqarneranik nalunaaqutaq 06.25 kalerrinneqarput.Assi: Juuli J. Frederiksen

Ukkusissani ikuallattoq: Ikinnerpaamik ataaseq ajunaartoq

Illu ikuallattoq qaminneqarpoq, ajunaartulli amerlanerusinnaasut politiit paasissutiipput. Inuit pingasut qimagussorneqarput.

Inuit pingasut qimagussorneqarnerannik paasissutissartalimmik nalunaaqutaq 14.33 nutarterneqarpoq.

Uummannaq nunaqarfiani Ukkusissani illumimik ullaassaq ikuallattoqalerpoq. Ikuallattoq maanna qaminneqarsimalerpoq, ikinnerpaamillu ataatsimik ajunaartoqarnera paasineqarpoq, politiit paasissutissiipput.

Tamatuma saniatigut inuit pingasut ajoqusersimapput, taakkulu Nuuliaanneqarput. Nunaqarfimmili inunnik suli maqaasisaqartoqarpoq, taamaammat maqaasineqartut sumiissusersineqarnissaat sulissutigineqarpoq, politiit tusagassiuutinut nalunaarummi naatsumik paasissutissiipput.

Nunaqarfimmi innaallagissamik pilersuineq avammullu attaveqaatit ikuallattoqarnerani kipineqartut ikeqqissimalerput.

Nuummi politiit politiinik ikiuiartortunik Ukkusissanukartitsipput.

Ikuallattoqarneranilu peqqutaasup misissorneqarnerani suleqataasussanik pinerluttulerinermi misissuisartunik Danmarkimit aggersaasoqartoq, politiit paasissutissiipput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat