Nunat assigiinngitsut siuttui silap pissusia pillugu New Yorkimi ataatsimeersuarnermi peqataassapput.Assi: United Nations Photo/Flickr

Silap pissusia pillugu ataatsimeersuarneq Ukiut qulit annerusumik susoqarsimanngilaq

"Ukiut qulikkaat annaasat". Silap pissusiata allanngoriartornerata ukiuni kingullerni qulini akiorniarneqarnera pillugu maannamut iliuuserineqarsimasut pillugit nalunaarusiami nutaami inerniliussaq taama pakatsinartigaaq.

Nalunaarusiaq Naalagaaffiit Peqatigiit avatangiisit pillugit aqutsisoqarfianit UNEP-imit suliarineqarpoq, maannamullu iliuuserineqarsimasut isumakulunnartuunerarneqarput.

CO2-mik nunarsuarmi aniatitsineq annertusiartuinnavissoq, nalunaarusiami allaaserineqarpoq, 2017-imilu aatsaat taama annertutigisimalluni.

Nunat tamalaat silap pissusiata allanngoriartornera akiornianngippassuk CO2-p silaannarmiittup annertussuserilersinnaasaattut immikkut ilisimasallit taamanikkut ukiut qulit matuma siornatigut siulittuutigisaat maanna eqquuppoq:

- Maanga anngunnissarput pisariaqanngitsoq, ukiut qulit matuma siornatigut oqaatigaarput. John Christensen, nalunaarusioqataasoq oqarpoq. Nalunaarusiaq Naalagaaffiit Peqatigiit silap pissusia pillugu New Yorkimi ataatsimeersuarnissaat sioqqullugu saqqummersinneqarpoq. Ataatsimeersuarneq ullumi aallartissaaq.

Københavnip CO2-mik 2025-mi aniatitsiffiujunnaarnissaa pillugu iliuuserisat suunersut, Københavnimi overborgmesterip Frank Jensenip New Yorkimi ataatsimeersuarnermi ilaatigut saqqummiutissavaa.

Danmarkip CO2-mik aniatitsinerata 2030-mi 70 procentimik annikillisinneqarsimanissaa pillugu Danmarkimi pilersaarutit, ministeriunerup Mette Frederiksenip taassuma saniatigut aamma saqqummiutissavai.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat