Angut Uummannameersoq eqqartuussivimmi siullermik ukiuni arfineq marlunni pineqaatissineqarsimasunut inissiisarfimmiittussanngortinneqaraluarpoq, Kalaallit Nunaanni eqqartuussisuuneqarfiup pineqaatissiineq sivikillivaa. Taamaalilluni angut pineqartoq ukiut tallimat affarlu pineqaatissinneqarluni.Assi: KNR

Ukiut arfineq pingasut pinngitsaaliisoq: Angutip panissani atornerluttarsimagaa

Uummannameersup, angutip eqqartuunneqartup panissani ukiut arfineq pingasut ingerlanerini qaammammut ikinnerpaamik 15-eriarlugu pinngitsaalillugu atoqatigisarsimavaa.

Angut Uummannameersoq, 40-t sinnerlugit ukiulik, panissaminut ukiorpassuarni atornerluisarsimasutut Kalaallit Nunaanni eqqartuussisuuneqarfiup ukiut tallimat affarlu pinerluuteqarsimasunut inissiisarfimmiittussanngorlugu pingasunngornermi decembarip ulluisa sisamaanni eqqartuuppaa.

Angutip eqqartuunneqartup panissani ukiut arfineq pingasut ingerlanerini qaammammut ikinnerpaamik 15-eriarlugu pinngitsaalillugu atoqatigisarsimavaa, pinngitsaalineqartarsimasorlu 13-inik ukioqalernerminit 21-nik ukioqalernissami tungaanut tassa 2001-imit 2009-p tungaanut pinngitsaalineqartarsimavoq.

Angullu pinerluuteqarsimasunut inissiisarfimmiittussanngorlugu pingasunngormat eqqartuunneqarpoq.

- Angutip panissaminut pinngitsaaliisaqattaartarsimanermini panissani marlunnik meerartaarfigisimavaa, tamatumalu saniatigut angutip panissami aappaa aqqaneq marlunnik ukioqarnerani pinngitsaaleeriarsimavaa, tamannalu pillugu aamma eqqartuunneqartoq, Kalaallit Nunaanni poliiit tusagassiutinut nalunaarutigaat.

Angut Uummannameersoq eqqartuussivimmi siullermik ukiuni arfineq marlunni pineqaatissineqarsimasunut inissiisarfimmiittussanngortinneqaraluarpoq, Kalaallit Nunaanni eqqartuussisuuneqarfiup pineqaatissiineq sivikillivaa. Taamaalilluni angut pineqartoq ukiut tallimat affarlu pineqaatissinneqarluni.

Eqqartuussisuuneqarfiup eqqartuussummik sakkukilliliinerminut ima tunngavilersuivoq:

- Pineqaatissiinerit meqqanik kinguaassititigut atornerluinernut tunngasuni toqutsinermi pineqaatossiinernit aallaavittut sakkortunerussanngitsut, Eqqartuussisuuneqarfik isumaqarpoq. Suliani matumunnga assigusuni sivisuumik killileriikkamillu pineqaatissiineq Kalaallit Nunaanni siusinnerusukkut atorneqarsimanngilaq.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat