Ukiut 60-it qaangiutillartullu saliinialerput
Silasiorfiit taakku Amerikamiut ikiortigalugit ukiut 60-it matuma siornagut pilersinneqarput. Tassa taamanimiilli tamaani ikummatissat liiterit tuusintilikkaat atorneqarsimapput, tamaanilu eqqagarpassuit eqqaavimmi ikuallanneqartarlutik. Berlingskemi tamanna allaaserineqarpoq.
Maannali sakkutuut sukumiisumik saliiniarlutik aallartereerput. Tamatuma kinguneranik uuliap puukui nappartat manngertornisut 2.000-it sinerissami sumi tamaaniittut katersorneqareersimalerput. Tamatuma saniatigut silasiorfiit ikuallaavilerneqarput, taamaalillutik eqqagassaatiminnik illersorneqarsinnaasumik ikuallaasalerlutik.
Kalaallit oqartussaasuisa tamaani saliisoqarnissaa piffissami sivitsortumi piumasaqaatigisarpaat, sakkutuulli saliinissaq ukiuni sisamani piareersarsimavaat. Ilaatigut qanoq mingutsitsitigisoqarnera paasiniarlugu tamaani misiligutinik 182-eriarluni qillerisoqarpoq.
