Ukiut 30-nngortorsiortut suli sapinngitsorsuupput
Nipilersoqatigiit "Qarsoq" Nuummeersut ukioq manna ukiut 30-nngortorsiorput, tassungalu atatillugu tusarnaartitseqattaarlutik.
Allattoq Mads Lynge
Tusarnaartitseqattaarnerit taaguuteqartinneqarput "Aqqut takivoq Tour 2010", tusarnaartitsinissallu tullia Nuummi Katuami maajip aallaqqaataanni pissaaq.
Allatulli aamma aaqqissuussisoqarpoq. Nipilersoqatigiimmi Danmarkimi aamma tusarnaartitsissapput.
Aalborgimi Kalaallit Illuutaanni tallimanngornermi maajip 28-anni unnukkut tusarnaartitsisoqassaaq, kulturikkut illorsuaq tusarnaartitsivillu "Huset" suleqatigineqassalluni.
Erinnat naluneqangilluartut soorlu "Aqqut takivoq", "Nuuk qulaallugu" aamma "Qimappagit" maajip 28-anni unnukkut nalunaaqutaq arfineq-pingasuniit tusarnaarneqarsinnaassapput.