Issittoq pillugu ilisimatusarfittaassap atoqqaartinneqarnera Yukonimi illoqarfiit pingaarnersaanni, Whitehorsemi, 2020-mi maajip qaammataani nalliuttorsiutigineqassaaq. Toqqorsivimmit assiAssi: Gareth Sloan from Montreal, Canada via Wikimedia Commons

Ukiut 25-t oqallisaariillartorlu: Canada Issittoq pillugu ilisimatusarfittaartussanngortoq

Canada Issittoq pillugu kiisami ilisimatusarfittaartussanngorpoq.

Canadami Issittoq pillugu ilisimatusarfiliortoqartariaqarnera ukiut 25-t sinnerlugit oqallisaavoq.

Canada nunani issittuni kisiartaalluni Issittoq pillugu ilisimatusarfeqanngilaq. Yukon Collegelli ilisimatusarfinngortinneqarnissaa Canadami nunap ilaani tassa Yukonimi inatsisartuisa sapaatit-akunnerata uuma aallartinnerani akuersissutigaat.

Yukonimi nunap inoqqaavisa ilisimatusarfigissavaat, nunallu issittut aamma tassani ukkatarineqassapput.

Yukonimimi innuttaasut Canadami qaffasissumik ilinniartitaanernut ilisimatusarnernullu sunniuteqarnerorusupput. 

AAMMA ATUARUK Natan Obedip issittumi ilinniagaqartut universitetimi katersorniarai

Ilisimatuussutsikkut misissuinerit Ilisimatusarfimmi - Canadami naalakkersuisut 130 millionit koruuninik aningaasaliineratigut pilersinneqartussami - pisassapput.

Nunat inoqqaavisa pisorsarsimassutsimikkut ilisimasaat - silap pissusiata allanngoriartornera, isumalluutinik piujuartitsineq tunngavigalugu ineriartortitsineq naalakkersuinikkullu ingerlatsineq ukkataralugit ilisimatuussutsikkut misissuinerni tamani - atorneqartassapput.

Ataatsimut isigalugu nunat inoqqaavisa piorsarsimassutsimikkut ilisimasaat ilisimatusarfimmi pilersinneqartussami ilinniartitsissutigineqartartussat ilagissavaat.

Ilisimatusarfimmi pilersinneqartussami ilinniartut Issittumi nunat inoqqaavi pillugit tunngaviusumik ilisimasaqalernissaat piumasaqaataassaaq.

Issittoq pillugu ilisimatusarfittaassap atoqqaartinneqarnera Yukonimi illoqarfiit pingaarnersaanni, Whitehorsemi, 2020-mi maajip qaammataani nalliuttorsiutigineqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat