Ukiut 18-it arnaq tammaqqareerluni uterpoq
Jaycee Dugard ukiut 18-init matuma siornatigut South Lake Tahoe-imi angerlarsimaffimmi eqqaani inunnit marlunnit biilinik aallarunneqarpoq kingornalu ilaqutaasunit takuneqarsimananani.
Jaycee Dugard maanna 29-inik ukioqartoq sisamanngormat politeeqarfimmut saaffiginnippoq, aappaariit Jaycee Dugardimik aallarussisimasutut maanna pasineqartut ilagalugit.
San Francisco-mi aviisip Chronicle aallaarisaa aallaavigalugu aappariit politiinit tigusarineqarput, aappariit pissusilersornerat eqqumiilluni pasinapilummata.
Jaycee Dugard ukioq 1991-imi angerlarsimaffimmi eqqaani bussit unittarfianniiitilluni angummit arnamillu tigusarienqarpoq, pinngitsaalillugulu biilinut ikitillugu. Taamaalinerani ataatassaata Jaycee Dugard nilliasoq tusaramiuk biilinik aallarussisut malissimagaluarpai angumerisinnaasimanagilli.
Taamanili ilaqutaasunit Jaycee Dugard tusagaqarfiginalu takusimanngilaat. Arnap taassumap kinaassusia uppernarsiniarlugu inuup sananeqaataatigut misissuiffigineqassasoq, aviisi Chronicle taamatut allaaserisaqarpoq.
