Ukiup Timersullammaa - timersullammaallu allat toqqarneqarput

Timersullammaat Nuummi pisortatigoortumik ualigaa saqqummiunneqarput. Kalaallit Nunaanni Timersortartut Kattuffiannit, Timersoqatigiiffinnit, Nuummi Timersortarfissuarmit aamma Kommuneqarfik Sermersuumi suleqatigiissitat timersullammannik toqqaasuupput.

- Niviaq Chemnitz Berthelsen siorna 2009-mi angusarissaaqaaq, tassami Arctic Circle Race-imi ajugaavoq, timersuutinilu arlalinni Nunatsinni pissartanngorluni, timersortartunut siunnersorti, Steffen Silassen, suleqatigiissitat sinnerlugit tunngavilersuivoq.

Timersullammattut toqqarneqartoq, Niviaq Chemnitz Berthelsen, Norgimiimmat, taanna sinnerlugu angutaata qatanngutaasalu nersornaat tiguaat.

Aqutsisullammattut toqqarneqartoq aamma ujakkaartartuuvoq, tassa Siverth Hansen. Sungiusaasullammattut toqqagaapput Ella Nørlund Christensen aamma Gunnar Nielsen, taakku Nuummi naluttartut klubbianneersuupput. Assammik arsartartoq, Nuka B. Heilmann Ukiup timersortartuatut piukkunnaatilittut toqqarneqarpoq.

Inuit pinnguaatitoqaanni, Inuit Gamesimi, peqataasartut ukiup holdiatut toqqarneqarput.Kajumissaaserneqartorlu tassaavoq assammik arsartartoq, Lars Dahl.

Timersulammak oqareernitsitut 5.000 koruuninnappoq, sinneri taagukkavut tamarmik 3.000 koruunimik checkinapput.