Upernavimmiu 14-inik ukiulik, Louise Karlsen Kalaallit Nunaanni Spejderit Kattuffianit 2005-imi ukiup spejderiatut toqqarneqarpoq.
Tamanna pivoq spejderit aallarniisuata, sir Robert Baden-Powellip, ippassaq ulloq inuuissiorfia eqqorlugu.
Spejdereqarneq ukiuni arlalinni uninngareersimalluni 2002-mi Upernavimmi aallarteqqinneqarmalli Louise Karlsen peqataasalersimavoq, inuusuttunullu maligassiuilluarnera 2005-imi spejderillammattut toqqarneqarneranut ilaatigut tunngavilersuutaavoq.
Louise Karlsen 13-inik ukioqarluni spejderit siulersuisuattut tunngaviusumik pikkorissarsimavoq.
Louise Karlsen gruppelederimut tullersortaavoq komitémilu suleqataalluni.