Royal Greenland ukioq manna ukiup affaata siulliani angusaqarfiulluarpoq. Ingerlatseqatigiiffiup ukioq manna maannamut angusai akileraannginnermi 87 millionit koruuniupput, siorna piffissap taamaalinerani 50 millionit koruuniupput.Assi: Inga Egede/Royal Greenland

Royal Greenland Ukiup affaata siulliani angusaqarfiulluarpoq

Nunatsinni aalisarnermi ingerlatseqatigiiffiit annersaat Royal Greenland ingerlalluartuarsinnarpoq.

Royal Greenland ukioq manna ukiup affaata siulliani angusaqarfiulluarpoq. Ingerlatseqatigiiffiup ukioq manna maannamut angusai akileraannginnermi 87 millionit koruuniupput, siorna piffissap taamaalinerani 50 millionit koruuniusut. Royal Greenland tusagassiutinut nalunaarummi taama allaaserisaqarpoq.

Royal Greenlandip aallussaminik, tassa raajanik uusunik qalipaajakkanillu, qaleralinnik saattuanillu tunisisisarnerata ingerlalluarnera ingerlatsinermut angusarissaarnermut peqqutaapput.

Naak raajanik tunisaqarneq siornamut naleqqiullugu kinguariaateqaraluartoq kinguariaateqarfiugaluartoq, raajat uusut qalipaajakkallu akigissaarnerat pissutaalluni, siorna 2018-ip qiteqqutereernerata kingorna attanneqarsimasinnaanerisa kingunerisaannik tunisatigut isertitat malunnaatilimmik siuariaateqarfiusut Royal Greenlandip nalunaarutigaa.

Qalerallit saattuallu tunisat aamma siuariaateqarfiupput.

Kilisaatillu marluk, Sisimiut Qaqqatsiallu tunineqarnerat angusarissaarnerusoqarneranik kinguneqartitsipput, tassannga 141 millionit koruunit iluanaarutaallutik.

Taassuma saniatigut kilisaatinut nutaanut marlunnut aningaasaliisoqarpoq, kilisaat nutaaq Sisimiut juunimi ukioq manna naammassivoq, Avatarlu ukioq manna oktobarimi nnaammassineqassalluni.

Kilisaat alla, Nataarnap taartissaa, 2021-mi aamma naammassineqassangatinnneqarpoq.

Royal Greenlandip ukioq manna ukiup affaata siulliani angusai katillugit 228 millionit koruuniupput, ukioq mannalu angorusutanut tamanna naapertuulluni. Royal Greenland taama nalunaaruteqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat