Ukiunik 50-inngortorsiortoq frimærkimiilissaaq

Air Greenland ataasinngorpamiit frimærkimiilissaaq. Tassami ataasinngorpat Post Greenlandip frimærki immikkut ittoq, timmisartortitseqatigiiffiup ukiunik 50-inngortorsiorneranut atatillugu saqqummersinniarpaa.
Allattoq Elisa Isaksen
januaarip 15-at 2010 15:50

Frimærkip Nuummi Katuami ataasinngorpat saqqummiunneqarnerani, frimærkimik titartaasoq Ina Rosing peqataassaaq, taanna eqqumiitsuliortup Jens Rosingiugaluup, toqussi tikillugu kalaallit frimærkiinik amerlaqisunik titartaasimasup panigaa.

Frimærkip saqqummiunneqarnerani oqalugiassapput, POST-imi frimærkinut pisortaq Pertti Frandsen aamma Air Greenlandip pisortaa Michael Binzer. Air Greenlandip nalliuttorsiorneranut atatillugu nittartagaq nutaaq Michael Binzerip aamma saqqummiutissavaa.