Ukiuni qulini parnaarussassanngortinneqartoq
marsip 15-at 2005 16:57
39-nik ukiulik Korsørimilu najugalik, Joan Olsen, angummik 35-nik ukiulimmik savimmik kapisilluni siorna toqutsisoq, ukiuni qulini parnaarussassanngortinneqarpoq.
Eqqaartuusiviit qullersaat, Højesteret, taama aalajangiivoq, taamaalillunilu Landsretip aaliangiinera atortussanngortillugu.
Suliaq immikkuullarissutut isigineqarpoq, taamanikkut arnap angut savimmik kapereerlugu ikiortissarsiorsimagaluarmat, upperineqarnanilu.
Arnaq nassuiaavoq angutip unnuk taanna pinngitsaaliniarsimagaani, taamaalioqqinnissaalu annilaangassutigisimallugu. Taammaammat eqqartuuseqataasut 24-iusut akornanni 8-t isumaqarsimagaluarput sivikinnerusumik pineqaatissinneqassasoq. Joan Olsen piumasaqarpoq nunatsinni parnaarussassanngortinneqassalluni.
