Ukiuni qulini 1,2 millioni koruunit eqqorpai
- Kiliortortakkami takusinnaavakka oorit marlooreersut, pingajuallu saqqummermat, nuliara suaarpara "Eqquivugut" - suli naluara sumik", Quick-isisimasoq oqarpoq.
- 10.000 koruuninnassoraluta inimi nuannaaqaluta qitaasarluta aallartippugut, angut illarluni oqaluttuarpoq nangillunilu:
- Paasissutissat misissorlualerlugit paasileriataarparput, qaammatit tamaasa 10.000 koruuninik ukiuni qulini pissarsisassalluta. Naatsorsuleriarlugu millionit sinnerai... suli inimi pississaarnerulerpugut, illarpoq.
Angutip kinaanini najukkanilu oqaluttuarerusunngilai, Avannaanili najugaqarnerarpoq.
Kiliortortakkami Quick-imi eqqukkatik atorluassamaarpaat.
- Ernera, qulinik ukiulik, ilaqutariit sukkasuuliaqalernissarput pillugu qangali kissaateqartarpoq. Maanimi imaatigut angallatit "biileraavut". Angallateqanngikkutta sumulluunniit nikissinnaanngilagut. Tassa eqqukkavut umiatsiartaarutigissavavut, oqarpoq, qungujullunilu erseqqissaalluni:
- Soorunami nukappiaraatiga aquttassanngilaq, uanga aquttassaanga. Ila, immaqami umiatsiartaarnissaq uanga sinnattunnut ilaasimassaaq, maanna piviusunngorsinnaanngortoq...