GBU: Ukiuni arlalinni ineriartortitsinerup inerneri takusinnaalerpagut

Unamminerup aallartinneraniillu Isle of Manikkut arsarluarneroqaat imminnullu sungiusimanerat ersarilluni. Arsaq paarilluarneruaat taamatullu unammineq pissangananngitsoortillugu. Isle of Manip arsartui periarfissat mikisut atorluarlugit isertitsisaqattaarput. 

Akerlianilli kalaallit arsariaasertik atinngitsoorpaat 6-0-imillu ajorsarlutik. 

Naak kalaallit guultinnannissamik sinnattuat piviusunngunngikkaluartoq Island Gamesimi peqataanerminni takutitsilluaqattaarnertik tulluusimaarutigisinnaavaat. 

Takutitsilluarnerat aamma Nunatsinni malugineqarpoq, tassami inuit nittartakkakkut naapittarfinni nersualaarinneqaat tulluusimaarlutillu. 

Nunatsinni isikkammik arsaattartut kattuffianni, GBU-mi, siulittaasoq John Thorsen kalaallit angutitaasa sølvinnallutik angusaannik naammagisimaarinnippoq.

- Tassa ukiuni arlalinni ineriartortitat massakkut kinguneqalerneri takusinnaavagut. Ineriartortitsineq aalajangiussaq ineriartortitsisullu piffissaqartillugit – aamma angusarlunnerup nalaani - arsartartut tunniusimasut ilungersorusuttullu pilersillugit, John Thorsen oqarpoq, nangillunilu;

- Nalunngilluinnarparpulli suli annertuumik ineriartorfissaqarluta.

Kalaallit isikkammik arsaattartui Island Gamesimi aappassaa medaljannapput. Tassa 2013-imi Bermudamut finaalimi ajorsarlutik sølvinnannikuugamik. 

AAMMA ATUARUK Angutit nerrivimmi arsaararnermi marlukkuutaarnermi kuultinnattut

AAMMA ATUARUK Landstræner jubler over finaleplads