Sømandshjem: Ukiuni 50-inik nalliuttorsiutigineqartoq

Nuummi Sisimiunilu ukiut 50-it matuma siorna Sømandshjemmet pilersinneqarpoq. Nalliuttorsiornerli sapaatip akunnerani uani Nuummi kaffillernermi nalliussineqarpoq.
Ministeriuneq Hilmar Baunsgaard nulialu Egone Sømandshjemmip atoqqaarfissiorneqarnerani Holsteinsborgimi julip 26-ani Nuummilu augustip aappaani 1969 peqataapput. Assi © : Sømandsmissionen
Nuummi Sømandshjemmip 1969-imi atoqqaarfissiorneqarnera. Assi © : Sømandsmissionen
Sisimiuni Nuummilu Sømandshjemminik atoqqaarfissiorneqarneranni peqataasut ilagaat ministeriuneq Hilmar Baunsgaard, nunatsinnilu landsrådet siulittaasuat, Erling Høegh ministerit nuimasullu allat. Assi © : Sømandsmissionen
Sisimiuni Sømandshjemmissap ujarattassaa siulleq toqqavissamut 1968-imi ilineqarpoq. Ukiorlu taanna Nuummi Indenlandsk Sømandsmissionimi marinestationitoqaq Sømandshjemmissatut 1 kronelerlugu neqeroorutigineqarpoq. Assi © : Sømandsmissionen
Atoqqaarfissiortoqarnerani umiaarsimasutut maqaasineqartoq Hans Hedtofts eqqaaniarneqarpoq. Assi © : Sømandsmissionen
Sømandshjemmip pilersinneqarneraniit ukiut 50-it nalliuttorsiutigineqartoq. Assi © : KNR
Allattoq Nukaaka Tobiassen
aggustip 03-at 2019 11:48

Ulloq nalliuttorsiorfik pisarnermiit allaanerulaartumik Sømandshjemmemi sulisut marlunngornermi ulloq aallarnerpaat. Sømandshjemmimmi ukiuni 50-ni Nuummi Sisimiunilu atuuffeqarsimanera ullorsiutigaat.

- Ullumikkut ulloq immikkuullarissuuvoq. Ukiut 50-erpassuupput, uangaluunniit suli 50-nik ukioqalinngilanga, taamaammat ukiorpassuupput. Nuummi Sømandshjemmemi pisortaq, Jacob Tindalid oqarpoq.

Ullup ingerlanerani kaffi, tii kaagillu seqinnarissuup ataani Sømandhjemmep silataani kikkunnut tamanut sassaalliutigineqarput. Ilaatigut naatitat kusanartunik ilusilersorlugit takusassiarineqarput, naasutut timmiaaqqatullu ilusilersukkat.

Angerlarsimaffeqanngitsunut naalagiartitsineq

Ullorsiornermi kaffisoriartut ilaat kilometererpassuit timmisartorluni kaffisoriarpoq. Taanna nunatsinni 1992-imiit 1994 tikillugu biskoppiunikuuvoq, Erik Norman Svendsen. 

- Nalliuttorsiorneq kingumut qiviarnerinnaanngitsoq siunissamulli pingaarutilik peqataaffigaara, Sømandshjemmillu siunissami Nuummi inuunermut pingaarutilittut inissisimanera nangikkusullugu. 

Nunatsinni Sømandshjemmi pilersinneqarmalli upperisamut kristumiuussusermut tunngasut oqariartuutit inuiaqatigiinnut nissaanik siunertaqarpoq. , Sømandshjemmimi pisortaq oqarpoq. 

- Oqaluffimmit nalunaarut evangiliu ukiuni 50-inik peqataaffigisinnaagatsigut nuannaarutigaarput, Jacob Tindalid oqarpoq.

Kristumiuussusermi sømandshjemmip pingaartitsisuunerata ilaagut angerlarsimaffeqanngitsunittaaq aamma iluaqutigineqartarpoq.

- Angerlarsimaffeqanngitsunut naalagiartitsisarpugut, taakkununngalu ilaatigut ullaakkorsiortitsisarluta. Inunnullu tamanut ammasumik aamma naalagiartitsisarluta, Nuummi Sømandshjemmemi pisortaq Jacob Tindalid KNR-imut oqarpoq. 

Sømandshjemmemi nalliuttorsiorneq KNR-imit malinnaaffigineqartoq uani isiginnaarsinnaavat:

Qanorooq 30.07.2019

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq