- Kalaallit Nunaanni nutaamik misiliisariaqalerpugut. Talerperliuniat suleqatigiit, Demokraatit tamatut saqqummiussipput.

Ukiuni 40-ni socialistit aqutsisuunerat Atassutip Demokraatillu unitsikkusuppaat

Partiit talerperliit marluk Atassut aamma Demokraatit Inatsisartuni suleqatigiilerput, Inatsisartuni ilaasortani partiit socialistit isumaannik tapersuisutut imminnut taasunut illuatungiliunniarlutik.

Taama nalunaaruteqarput partiit taakkua marluk siulittaasui Aqqalu Jerimiassen aamma Jens Frederik Nielsen, attaveqatigiittarfimmi Facebookimi.

-  Maani  nunatsinni nutaamik misiliinialerpugut.  Talerperliunerusut ersarinnerulissapput, Demokraatit Facebookimi nittartakaminni taama allapput imalu itisiliillutik:

 

AAMMA ATUARUK Atassut trækker sin støtte til Naalakkersuisut

- 1979-imili Namminersornerullutik Oqartussat aallartimmata Kalaallit Nunaat saamerlernit aqunneqarnikuuvoq. Tamanna Demokraatit Atassutillu alanngortikkusuppaat. Nunatsinni killilersuinernik millitsiniaarusuttunik politikereqarnera malunnartikkusupparput, ukiullu 40-t sinnerlugit saamerliit aqutsisuunerat unitsillugu.

Taakkua marluullutik saamerliit naalakkersuisooqatiginikuuaat

Inuit Ataqatigiit Naleqqallu naalakkersuisooqatigiittut Atassutip tapersersuiunnaarnera ulloq aallarnerfigalugu Atassut Demokraatillu suleqatigiilerput.

Partiit taakkua marluk saamerlernik naalakkersuisooqateqarnikuugaluarput. Kingullermik Demokraatit Siumut naalakkersuisooqatiginikuuaat, ukiullu arlaqanngitsut matuma siorna Atassutip aamma Siumut naalakkersuisooqatiginikuullugu.

Partiilli talerperliit illuatungiliunnissaat maannakkumiit nakkunneqartariaqalerpoq.

AAMMA ATUARUK Demokraatit vil af med borgmesteren - ellers forlader partiet koalitionen

Demokraatit saqqummiussaat naapertorlugu, Inatsisaartut ataatsimiititaliaanni teknikkikkut suleqatigiinnissaq pineqarpoq.

- Taamaammat Demokraatit manna tikillugu Siumumik teknikkikkut suleqateqarnerminnit tunuarput kisialu Atassut saamerliit naalakkersuisuunerannut tapersersuisuunertik unitsillugu, Demokraatit allapput.

Inatsisartuni ilaasortani 31-usuni tallimat  Demokraatit Atassullu ilaasortaatitaraat.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl