Californiami USA-miittumi angut meeqqanik kinguaassiutitigut ikkatilliisartoq ukiuni 152-ni parnaarussaasussanngorlugu pillarneqarpoq.
65-inik ukiulik Dean Arthur Schwartzmiller nukappiaqqanik marlunnik kinguaassiutitigut atornerluisimasutut ippassaq pineqaatissinneqarpoq.
Ukiorpassuarnili parnaarunneqartussanngornera,
tassa ukiuni 152-ini, meeqqanik allanik kinguaassiutitigut aamma atornerluisarsimaneranik peqquteqartinneqarpoq, taamatuttaaq meeqqat pornoliaralugit filmiliarisarsimammagit pillarneqaataanut ilaatinneqarpoq.
Angutip angerlarsimaffiani politiit nassaarisimavaat angutip ullorsiutai, ullorsiummini allattarsimavai ukiut 40-t ingerlanerini meeqqat kinguaassiutitigut atornerlukkaangamigit qanorpiaq iliorlugit atornerluttarsimagini.