Ukiumut pingasoriarlutik ilaat qineqqusaarniarput

Minnerpaamik politikerit sisamat ukioq manna pingajussaa qineqqusaaqqissapput.

Siullermik februaarimi folketingimut nunatsinni qinersisoqarpoq, aappassaanik apriilimi kommunimut qinersisoqarpoq, ukiorlu suli naarianngitsoq pingajussaanik Inatsisartunut novemberip 15-iani qinersisoqartussanngorpoq.

Inuilli ilaat politikeriorusulluinnartarput, uanilu qineqqusaarnissami ilaatigut qineqqusaaqqissapput, Demokraatiniit Per Berthelsen aamma Kattusseqatigiinniit Anthon Frederiksen immaqalu aamma Niels Fly Olsen, kiisalu Atassummiit Augusta Salling.

Ukiup ataatsip ingerlanerinnaani pingasoriarlutik qineqqusaartut ilaat oqaloqatigaavut.

Doris Jakobsen 26-nik ukioqarpoq, inuusukkaluaqalunilu siumut tunuliaqutaralugu qineqqusaarnermik misilittagaqarluarpoq.

- Marloriarlunga Inatsisartuni qineqqusaarsimavunga aammalu kommunimut folketingimullu qineqqusaarsimallunga, Doris Jakobsen oqarpoq.

Taamatuttaaq inuusoqataa Aviaaja Vandersee Inuit ataqatigiit tunuliaqutaralugu qineqqusaartareersimavoq. Taannali qineqqusaaqqinnissaminut suli aalajanginngilaq.

- Folketingimut qineqqusaarpunga aammalu Inuusuttut Inatsisartut peqataaffigivakka aammalu kommunemut qineqqusaarlunga, Aviaaja Vandersee oqarpoq.

Qineqqusaarneq imaannaasarsimannginnguatsiaqaaq, isiginnaarnerinimi takusarpavut qineqqusaartut qanoq annikilliuperaarlutillu sukataartartigisut, tamanna Aviaajap qanormita akissavaa?

- Ajorsaraluarluni sukataarusulerneq aamma takkuttarpoq, Aviaaja oqarpoq.

Taama oqarpoq Aviaaja Vandersee.

Ilanngutassiap suliarinerani suli Niels Fly Olsen attavigisinnaasimanngilarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat