Ukiumut atugassatik qaangingajallugit

Allattoq Carla Davidsen
aggustip 03-at 2005 14:57

Inatsisartut Akileraartarnermut Akitsuusiisarnermullu Ataatsimiititaliaani ilaasortat sisamat allataallu Jersey –mut angalassagunik, billitsinut København –milu unnuinernut, nerisat ilanngunnagit, 200.000,00 koruunit missaannik aningaasartuuteqartussanngorput

Septemberip arfineq aappaaniit aqqaneq aappaata tungaanut Inatsisartut Akileraartarnermut Akitsuusiisarnermullu ataatsimiititaliaata Tuluit Nunaata Frankrig –illu akornannut qeqertaaqqamut Jersey –mut paasisassarsiornissaanut,Nuummiit Jersey –mut billitsissaasa akii angalatitsivimmut Vejle Rejser –mut paasiniarparput. Oqaloqatigisatsinnit Inger Jensen –mit paasivarput billitsit akikinnerpaat København –mi unnuinertallit 76.250,00 –

København –mi unnuinerit siumut utimullu aningaasartuutinut ilanngukkunik suli aningaasat amerlanerit atortariaqarput.

Vejle Rejser –mi sulisoq Inger Jensen oqarpoq, akikinnerit atorlugit angalagaanni, init sinittarfiinnaasartut inikitsunnguit, fjernsyneqanngitsut oqarasuaateqanngitsullu aammalu gang –mi uffarfeqarlutik. Kisiannili akisunerit atorlugit angalasut inini uffarfeqarlutillu oqarasuaateqartartut, taamaalillutik inuit tallimat angalanermi pineqartumi, København –mi marloriarlutik unnueriarlutik, nerisaqarnerit ilanngunnagit, 200.000 koruuninik akiliisariaqartut.

Inatsisartut Akileraartarnermut Akitsuusiisanermullu Ataatsimiititaliaata angalanissamut aningaasat ukiumut 300.000 koruunit atorsinnaavai.