Ukiumut 1000 koruunit aningaasanoorutaasarput
aggustip 30-at 2005 08:29
Nunatsinni aningaasannanniartartut amerliartuinnavipput .
Kisitsisit Dansk Tipstjeneste-meersut takutippaat 2003-miit 2004-mut kaaviaartitat procentinik qulinik annertuseriarsimasut.
Piffissarli sivisunerusoq isigalugu nunatsinni lotto-nngikkunik tipsertartut aningaasanik atuisarnerata annertusiartornera, Danmarkimut naleqqiullugu annikinneruvoq.
1999-imi agguaqatigiissillugu ukiumut 796 koruunit lottomut assigisaannullu atorsimavagut. Kisitsit taanna siorna 1069 koruuninngorsimavoq, qaffariaat procentinngorlugit 26 procentit missaanni annertuseriarsimalluni.
Agguaqatigiisillugu danskeq ukioq kingulleq ukiumut 1497 koruuninut aningaasanoortarpoq.