Ukiortaarsioqatigiinneq nakuusernermik kinguneqartoq

Qaanaap timersortarfiani ukiortaarsioqatigiilluni qititsitsineq nakuusernermik sakkortuumik kinguneqarpoq.
januaarip 03-at 2011 09:49

Qitittummi naanerisa missaani, ukiortaami unnuakkut nalunaaqutaq tallimanngoriartulersoq, angut 26-nik ukiulik angutinit marlunnit, tamarmik 20-t missaannik ukiliunnit, katuunneqarluni sakkortuumik nakuuserfigineqarpoq.

Angut nakuuserfigineqartoq arlalinnik najungasuiarsimalluni kiinamigullu tilluusaqangaatsiarluni Qaanaap napparsimaviani suli uninngatinneqarpoq. Politiilli oqarnerat malillugu inuunerminik navianartorsiunngilaq.

Angutit katuussillutik persuttaasut tamarmik januaarip ulluisa 28-ata tungaanut tigummigallagassanngortinneqarput, sakkortuumik nakuusersimasutut unnerluutigineqassallutik.